[ حصريا ] كيفية قفل الفولدرات بدون برامج [ تنفع للفلاش رام ]

السلام عليكم . شلونكم عفاريت ؟ ياربي بخير
اليوم جبتلكم شغله تخبل . وهي شلون نخفي فايلاتنه بالحاسبه او بداخل الفلاش برقم سري
طبعا الشغله هاي اني جربتها وناجحه مليون بالميه
ولا برنامج ولا شي مجرد شي صغير نسوي ونتهى الموضوع
هسه خليك ويايه ونتعلم شلون الطريقه



بس هاااااااااااا نسيت اكلكم شغله لازم تخلي رد علمود يطلعلك الموضوع

وهسه بعد هاي المقدما الطويله العريضه راح نبدي نشرح ونطبق الشغله ونشوف

طبعا كلنا نحتاج ان نخفي او نقفل فولدرات معينة ودائما نضطر نستعمل
برامج مثل Folder Guard و Folder Lock و ... الخ
-------------------------------------------------------------------------
طبعا هذي البرامج دائما تكون محددة بحاسبتك فقط بالتالي اذا كان عندك
فلاش رام Memory Stick or Flash Memory او هارد خارجي External Hard Drive
راح تكون العملية فاشلة

هسه شلون ؟
اني اكولكم شلون .... تابعو الموضوع وانتو تتعلمون شلون تقفلون الفولدرات
بكلمة سر Password وبدون تنصيب برنامج !

-------------------------------------------------------------------------

نفتح ملف نوت باد Notepad وننسخ الكود التالي بداخله ...




-------------------------------------------------------------------------
هسه انتبهو ويايا بهاي الخطوة -- دتشوفون مكتوب password here ؟؟
هاي تظللوها وتكتبون بدالها الباسورد اللي انتو تريديوه
-------------------------------------------------------------------------

هسه نروح على قائمة File ونختار Save As وبعدين نحدد اسم الملف
ونسمي Locker.bat --- انتبهو على الامتداد !!
ومن حقل Save As Type ... نختار All files

هسه صار عدنا ملف اسمه Locker.bat --- نضغط عليه دبل كلك
راح تطلع نافذه سودة ورأسا تختفي ... وراها راح يظهر فولدر جديد
بنفس المكان اسمه Private ...
-------------------------------------------------------------------------
هسه عدنا مثلا صورة ... نجي نخليها داخل هذا الفولدر اللي اسمه Private
وبعدين نرجع نضغط دبل كلك على ملف Locker.bat ...
راح تطلعلنا مسج مال تأكيد ... اضغط حرف { Y } بالكيبورد ودوس Enter
تابعو الصورة رقم 3 :
-------------------------------------------------------------------------



-------------------------------------------------------------------------

راح نشوف الفولدر اختفى

هسه نريد نشوف الصورة مرة ثانية شلون ؟؟؟ بس لا راحت

نروح نضغط دبل كلك على Locker.bat ... راح يطلب من عدنا الباسورد ..
نكتبها وندوس Enter .... راح يظهر فولدر ال Private مرة ثانية ...
وهم تابعو الصورة رقم 4 :
{بدل كلمة password انت اكتب باسوردك }
-------------------------------------------------------------------------



-------------------------------------------------------------------------

وعادي كلما تريد تخفي الفولدر هم تضغط دبل كلك على الملف وادوس حرف ال Y
وادوس Enter ومن تريد تشوفه هم تفتح الملف واتدخل الباسورد
وادوس Enter ------------ سهلة مو ؟ Razz

هسه هذا الملف تكدر تخليه وين ما جان ... ويشتغل وين ما جان ..
فلاش رام ... هارد خارجي ... بكيفكم