عمر{ البحر } ماشال هم السفينه

من طبعي أرد الإساءة { بالاحسان }
وأساير ظروف الزمان اللعينه ..


وأطوف الغلطه من { أفلان .. وفلان }
يعني من أجل { عين } تكرم مدينه ..


الكامل الله والخطا طبع { الانسان }
والدرب يفرق عن يساره ويمينه ..


و { ـالصاحب } اللي الـه معزه واله شان
ان جاني بـشينه.. أتذكرت زينه ..


اتحمل اخطاءه معي { قدر الأمكان }
من جانبي تبقى العلاقه متينه ..


واللي { يغلطني } واني مو بغلطان
اصابعي احطها { وسط عينه } ..


مادامني مسلم وفي قلبي إيمان
عمر{ البحر } ماشال هم السفينه ..


مرت علي { انواع .. واشكال .. وألوان }
بين { العقول } الناقصهـ .. والرزينهـ


عندي قناعه ان { الإنسان شيطان }
اذا يهينكـ { لازم } انك تهينـه ..


يعني اذا حاجتكـ { بيدين عدوان }
يكفيكـ شر المهزله .. والغبينه ..


من{ كثر ماجاني } من الناس خذلان
تحرجني حتى كلمة { الله يعينه }


صحيح لي { ربع .. وجماعه .. وخلان }
وأضيق لكن حاجة الناس.. شينه


الشخص دام انه بكل شي{ خسران }
تأكد انهآ من عمايل { أيدينه } ..


من مرحلة { حب .. ومشاعر .. وحرمان }
إن مالعنت الحب تلعـــنهـ سنينه ..


اكتب شعر واعزف من { اشواقي الحــآن }
واسلي قلوب الغرام الحزينـه ..


ولو الشعر مخلوق في { هيئة انسان }
والله لأقول له تسلم { واقبل جبينه}...~