(لا تعتب)

السلام عليكم قصيده بعنوان (لا تعتب)
لا تعتب
لا تعتب اذا حبيتك بيوم
واذا جرحي عليك كبر نزفه
انا همومي زهابي ولابس الآه
وزفوني لعذابي شلون زفه
عشگتك گاع تجنا من الثمر آه
وتجيها رياح اشواگك تجرفها
عشگتك بحر موجه يغطي جبال
الغاص بموجه سوراته تلفه
عشگتك ليل رمشي الماعرف نوم
ولامره الجفن بجفاك يغفى
عشگتك ملح صار بنص الجروح
بدل ما ايدك تجي لجرحي ترفه
عشگتك شعر ويا الشعر موال
بألحان الحزن محلاه عزفه
عشگتك يا عشگ بالگلب موجود
بس كونك تحس بيه وتعرفه
بنيتك بالگلب تحفه من الالام
وخليتك بگلبي اقسى تحفه
انا صبري خلص والگلب مجروح
جرح گلبي ينادي ما تسعفه
ما تسعفه
جرح گلبي ينادي ........ ما تسعفه
انحصر بگليبي هجرك .... ما تسعفه
مثل النخل صبري .....ومات سعفه
اموتن واگف وما تحس بيه