عوفينــــي

عوفيني

عوفيني انا اترجاج عوفيني

نار الكلب صاير

والزمن حطاب

بالهم جبت عمري وناري ما تبرد

عوفيني

انا اترجاج عوفيني

معارك انا او وكتي

والوكت مغرور .... على بيبان صبري بزوده يتهدد

كلت وياج بلكي الكه محطه تريحني وارتاح

بلكي العين تغفه ويمج اتمدد

لكيتج نار انتي واني اصلا نار

ونطبكن علي نارين يمتــــه ابـــرد

**************************

شنو الي يغريج بيه وباقيه انتي ويايه ؟

حسبالج قبل من جنت انا فرقـد ؟

لا كتلت قهر هسه وتمشي فوك الكاع

وكمت من روحي بعض احيان اتشرد

دعوفيني انا اترجاااااااااج عوفيني

خلص دفتر حياتي وبيه قصص اشكال

وايامي قهر وهموم بيها شكـــد

عليج اني انقهر وهوايه احسب بيج

لان دمعج وياي يزرف اكبر خـد

اذا كتلج احبج اني مو جذاب

احبج انتي مثل الروح لا ازود

بس المشكله من اني افكر بيج ما الكه الحلول الي اعتبرهن حــد

جنتي ام الفرح وعيونج ام النوم

ذبلتج على ايدي او وردج اتمرد

جنيت اني عليج واعترف بالصار

بس الزمن هو وياي يتعمد

دعوفيني بعد عندج دمع بالعين لا تبجين

وعندج حيل على الهم

اني حيلي انهد

دعوفيني تره وياي دمعج ينهي وبعديــــــــــن تبجين العيون وكلها بيج تلوم

شوفي شفادج فرقــد ؟؟؟؟؟؟؟؟؟؟


تحياتي للشاعر ... محمد رحيمه الطائي